Breaking News
Home / featured / ಶಿವಾಜಿ ಕಾಗಣಿಕರರಿಗೆ ರಾಜ್ಯೋತ್ಸವ ಪ್ರಶಸ್ತಿ

ಶಿವಾಜಿ ಕಾಗಣಿಕರರಿಗೆ ರಾಜ್ಯೋತ್ಸವ ಪ್ರಶಸ್ತಿ

ಉತ್ತಮ ಆಯ್ಕೆ

ಬೆಳಗಾವಿ : ಬೆಳಗಾವಿಯ ಪರಿಸರ ಸಂರಕ್ಷಕ, ಸಾವಿರಾರು ಕೆರೆಗಳನ್ನು ಕಾಪಾಡಿದವ, ಯಾವತ್ತೂ ಪ್ರಚಾರ ಬಯಸದ ಕಾಯಕಜೀವಿ ಶರಣ ಶಿವಾಜಿ ಕಾಗಣಿಕರ ಅವರಿಗೆ ಈ ಸಲದ ರಾಜ್ಯೋತ್ಸವ ಪ್ರಶಸ್ತಿ ದೊರೆತಿರುವದು ಅತ್ಯಂತ ಯೋಗ್ಯವೆಂದೇ ಹೇಳಬೇಕು.
ಮಹಾರಾಷ್ಟ್ರದ ಗಡಿಭಾಗವಾದ ಬೆಳಗಾವಿ ತಾಲೂಕಿನ ಕಡೋಲಿ ಗ್ರಾಮದ ಶಿವಾಜಿ ಅವರು ಅನೇಕ ಗ್ರಾಮಗಳಲ್ಲಿ ಕೆರೆಗಳ ಪುನಶ್ಚೇತನಕ್ಕೆ ಶ್ರಮಿಸಿದ ಹಿರಿಯ ಪರಿಸರವಾದಿ. ಖಾದಿ ಹಾಫ್ ಪ್ಯಾಂಟ, ಖಾದಿ ಶರ್ಟ ಧರಿಸುವ ಶಿವಾಜಿ ಅವರ ಬಗಲಲ್ಲಿ ಖಾದಿ ಚೀಲವೊಂದು ಸದಾ ನೇತಾಡುತ್ತಿರುತ್ತದೆ. ಗಡ್ಡಧಾರಿ ಬೇರೆ. ತಲೆಯ ಮೇಲೊಂದು ಗಾಂಧಿ ಟೊಪ್ಪಿಗೆ. ಅಪರೂಪದ ವ್ಯಕ್ತಿತ್ವ.
ಈ ರಾಜ್ಯೋತ್ಸವ ಪ್ರಶಸ್ತಿ ವಿಜೇತರ ಬಳಿ ಮೊಬೈಲ್ ಇಲ್ಲ. ನಾನು ಅವರನ್ನು ಹಲವಾರು ಬಾರಿ ಬೆಳಗಾವಿ ಜಿಲ್ಲಾಧಿಕಾರಿಗಳ ಕಚೇರಿಯ ಆವರಣದಲ್ಲಿಯೇ ಭೆಟ್ಟಿಯಾಗುತ್ತೇನೆ. ಮಾತೂ ಸಹ ಹೆಚ್ಚಿಗೆ ಆಡುವದಿಲ್ಲ.” ನಮಸ್ಕಾರ, ನಮಸ್ಕಾರ” ಅಷ್ಟೇ. ಅವರ ಮಾತೃ ಭಾಷೆಯಾದರೂ ಕನ್ನಡವನ್ನು ಚೆನ್ನಾಗಿ ಮಾತನಾಡುತ್ತಾರೆ.
ಅರ್ಜಿ ಹಾಕದ, ವಸೂಲಿ ಹಚ್ಚದ ವ್ಯಕ್ತಿಗೆ ಪ್ರಶಸ್ತಿ ದೊರೆತಿರುವದು ಒಳ್ಳೆಯ ಬೆಳವಣಿಗೆಯೆಂದೇ ಹೇಳಬೇಕು.
ನೂರಾರು ಪುಟಗಳ ” ಸಂಕ್ಷಿಪ್ತ ವಿವರಣೆ”,ಜೊತೆಗೆ ನೂರಾರು ಫೋಟೊಗಳು, ಮಂತ್ರಿಗಳ, ಶಾಸಕರ ಶಿಫಾರಸು ಪತ್ರಗಳು, ಜಗದ್ಗುರುಗಳ ಶಿಫಾರಸು, ಅವಕಾಶ ಸಿಕ್ಕರೆ ಉದ್ದಂಡ ನಮಸ್ಕಾರ. ಇವೆಲ್ಲವನ್ನೂ ಪ್ರಯೋಗಿಸಿ ರಾಜ್ಯೋತ್ಸವ ಪ್ರಶಸ್ತಿಗಳನ್ನು ಪಡೆದವರಿಗೆ ಕೊರತೆಯೇನಿಲ್ಲ. ಪ್ರಶಸ್ತಿ ಸಿಗದೇ ಇದ್ದರೆ ಜೀವನವೇ ಹಾಳಾಗಿ ಹೋಯಿತೆನ್ನುವ ಮಾನಸಿಕ ಸ್ಥಿತಿ ಉಳ್ಳವರೂ ಇದ್ದಾರೆ.” ಮರಳಿ ಯತ್ನವ ಮಾಡು” ಎಂಬಂತೆ ಹತ್ತು ಹದಿನೈದು ವರ್ಷಗಳ ಕಾಲ ಪ್ರತಿವರ್ಷ ಅಗಷ್ಟ, ಸಪ್ಟೆಂಬರ್ ನಲ್ಲಿ ಪ್ರಯತ್ನ ಆರಂಭಿಸಿ ಕೊನೆಗೆ ಅಕ್ಟೋಬರ್ ಕೊನೆಯ ವಾರದಲ್ಲಿ ಪ್ರಶಸ್ತಿ ಪಟ್ಟಿಗಾಗಿ ಕಾದವರೂ ಇದ್ದಾರೆ!

ಅಶೋಕ ಚಂದರಗಿ

ಕನ್ನಡ ಕ್ರಿಯಾ ಸಮಿತಿ ಅದ್ಯಕ್ಷರು ಬೆಳಗಾವಿ

About Shivanand

Admin : Lingayat Kranti Monthly news paper 8884000008 lingayatkranti@gmail.com

Check Also

‘ಶರಣಾರ್ಥಿ’ ಗುರು ಪ್ರವೇಶ..!

  ಗಜೇಂದ್ರಗಡದ ಶರಣದಂಪತಿಗಳು ನೂತನ ಮನೆಗೆ ‘ಶರಣಾರ್ಥಿ’ ಎಂದು ವಿಶಿಷ್ಟ ರೀತಿಯಲ್ಲಿ ಮನೆ ನಾಮಕರಣ ಮಾಡಿ ಗುರುಪ್ರವೇಶ, ಅನುಭಾವ ಹಾಗೂ …

One comment

  1. ಶಂಭು ಬಣಕಾರ್

    ನನಗೆ ಶಿವಾಜಿ ರಾವ್ ರಾಜ್ಯೋತ್ಸವ ಪ್ರಶಸ್ತಿ ಯಾವಾಗಲೂ ಸಿಗಬೇಕಾಗಿತ್ತು ಆದರೂ ಕೂಡ ಅವರಿಗೆ ರಾಜ್ಯೋತ್ಸವ ಪ್ರಶಸ್ತಿ ಸಿಕ್ಕಿರುವುದು ನನಗೆ ತುಂಬಾ ಖುಷಿ ತಂದಿದೆ ಸಂತೋಷದ ಸಂಗತಿ

    ಶಿವಾಜಿ ರವರು ನನಗೆ ಗೊತ್ತಿರುವ ಹಾಗೆ ಸುಮಾರು 20 ವರ್ಷಗಳ ಹಿಂದೆ ಅವರನ್ನು ಭೇಟಿಯಾಗಿದ್ದೆ ಅವರು ಅನೇಕ ವಿಷಯಗಳಲ್ಲಿ ನಮಗೆ ಮಾದರಿಯಾಗಿದ್ದಾರೆ ಅವರು ನಡೆಸಿದ ಆಂದೋಲನದ ಪರಿಸರ ಸಂರಕ್ಷಣೆ ರಕ್ಷಣೆ
    ೧) ಮುಖ್ಯವಾದ ಅಂದೋಲನ ಎಲ್ಲರೂ ಗೋಬರ್ ಗ್ಯಾಸ್ ಅನ್ನು ಬಳಸಿ ಪರಿಸರ ಮತ್ತು ಕಾಡನ್ನು ರಕ್ಷಿಸುವ ಉದ್ದೇಶವನ್ನು ಹೊಂದಿದ್ದ ಇವರ ಆಂದೋಲನ ದೊಡ್ಡ ಕ್ರಾಂತಿಯನ್ನೇ ಮಾಡಿತು ಆಂದೋಲನದಲ್ಲಿ ಸಮಯದಲ್ಲಿ ಜನರ ಇವರ ಮೇಲೆ ಸಗಣಿಯನ್ನು ಎರಚಿದ್ದಾರೆ ಇದರ ಅರ್ಥ ನಮ್ಮ ಜನರು ಎಷ್ಟು ಮೌಢ್ಯಕ್ಕೆ ಒಳಗಾಗಿದ್ದರೂ ಎಂಬುದನ್ನು ತೋರಿಸುತ್ತದೆ

    ೨) ಮುಖ್ಯವಾಗಿ ಇವರು ಗಾಂಧಿವಾದಿಗಳು ಈಗಲೂ ಕೂಡ ಅವರು ಬಳಸುವುದು ಎರಡು ಜೊತೆ ಬಟ್ಟೆ ಮಾತ್ರ ಈ ಮಾದರಿಯನ್ನು ನನ್ನ ಜೀವನದಲ್ಲಿ ಅಳವಡಿಸಿಕೊಳ್ಳಲು ಬಹಳ ಪ್ರಯತ್ನ ಪಟ್ಟೆ ಸಾಧ್ಯವಾಗಲಿಲ್ಲ

Leave a Reply

Your email address will not be published. Required fields are marked *

error: Content is protected !!