Breaking News
Home / featured / ಮದ್ಯಪಾನ ನಿಷೇಧದಿಂದ ಕಲ್ಯಾಣ ರಾಜ್ಯ ನಿರ್ಮಾಣ ಸಾಧ್ಯ

ಮದ್ಯಪಾನ ನಿಷೇಧದಿಂದ ಕಲ್ಯಾಣ ರಾಜ್ಯ ನಿರ್ಮಾಣ ಸಾಧ್ಯ

 

ಡಾ. ಶ್ರೀ ಬಸವ ಮರುಳಸಿದ್ಧ ಸ್ವಾಮೀಜಿ
ಬಸವಕೇಂದ್ರ, ಶಿವಮೊಗ್ಗ.

ಅಡಗ ತಿಂಬರು; ಕಣಿಕದ ಅಡಿಗೆಯಿರಲ್ಕೆ.
ಕುಡಿವರು ಸುರೆಯ, ಹಾಲಿರಲ್ಕೆ.
ಬಂಗಿಯ ಮುಕ್ಕುವರು, ಸಕ್ಕರೆ ಇರಲ್ಕೆ.
ಸ್ವಸ್ತ್ರೀ ಇದ್ದಂತೆ ಪರಸ್ತ್ರೀಗಳುಪುವರು.
ಸತ್ತ ನಾಯ ಭಕ್ಷಿಸುವ ಹಡಕಿಗರನೇನೆಂಬೆನಯ್ಯ ರಾಮನಾಥ!
-ಜೇಡರ ದಾಸಿಮಯ್ಯ

ಒಳ್ಳೆಯ ಗೋಧಿಯಿಂದ ಮಾಡಿದ ಅಡಿಗೆಯಿದ್ದರೂ ಮಾಂಸ ತಿನ್ನುವ, ಅಮೃತ ಸಮನಾದ ಹಾಲಿದ್ದರೂ ಹೆಂಡ ಕುಡಿಯುವ, ಸಕ್ಕರೆ ತಿಂದು ಸುಖಿಸುವುದ ಬಿಟ್ಟು ಭಂಗಿ ಸೊಪ್ಪು ಸೇದುವ ಹಾಗು ತನ್ನ ಹೆಂಡತಿಯಿದ್ದರೂ ಪರ ಹೆಣ್ಣನ್ನು ಮೋಹಿಸುವ ಜನರು ಸತ್ತ ನಾಯಿಯನ್ನು ತಿನ್ನುವಂಥವರು, ಹೇಸಿಗೆಯ ಬದುಕು ಅವರದು. ಹೀಗೆ ತನ್ನ ಕಾಲದಲ್ಲಿದ್ದ ಕೆಲವು ದುಶ್ಚಟಗಳನ್ನು ಕಂಡು ಸಿಟ್ಟಾಗಿ ದಾಸಿಮಯ್ಯ ನುಡಿದಿದ್ದಾರೆ. ಇಂದು ಅತಿಯಾಗಿರುವ ದುಶ್ಚಟಗಳ ಆಟಾಟೋಪವನ್ನು ಕಂಡಿದ್ದರೆ ಅವರಿಗೆಷ್ಟು ಸಿಟ್ಟು ಬರುತ್ತಿತ್ತೋ? ಅವರ ಸಿಟ್ಟು ಈ ದುಶ್ಚಟಗಳಿಂದ ಬದುಕು ಹಾಳಾಗಿಬಿಡುತ್ತದೆ ಎಂಬ ಕಾರಣಕ್ಕೆ ಹೊರತು ಮನುಷ್ಯನ ಮೇಲಲ್ಲ. ಚಟಗಳಿಂದ ಮುಕ್ತನಾದರೆ ಅವನು ಎಷ್ಟೋ ಉತ್ತಮನಾಗಿ ಬದುಕಬಲ್ಲ. ಅವನ ಕುಟುಂಬವೂ ನೆಮ್ಮದಿಯಿಂದ ಇರಬಹುದು.

ಕೋವಿಡ್-೧೯ ಕಾರಣಕ್ಕೆ ನಿರ್ಬಂಧದ ಜೀವನ ನಡೆಸಬೇಕಾದ ಈ ಸಂದರ್ಭವನ್ನು ಚಟಸ್ಥರು ದುಶ್ಚಟಗಳಿಂದ ಹೊರಬರಲು ಒದಗಿದ  ಅತ್ಯುತ್ತಮ ಅವಕಾಶ ಎಂದು ಭಾವಿಸಿಕೊಂಡು ಚಟಮುಕ್ತರಾಗುವ ಸಂಕಲ್ಪ ಮಾಡಬೇಕಾಗಿದೆ. ಚಟ ಮಾಡಲು ಅವಕಾಶವಿಲ್ಲದೆ ಮಾಸಿಕ, ದೈಹಿಕ ಸಮಸ್ಯೆಗಳಿಂದ ಬಳಲುವ ಅಂಥವರಿಗೆ ಸೂಕ್ತ ಆಪ್ತ ಸಮಾಲೋಚನೆ ಮತ್ತು ವೈದ್ಯಕೀಯ ಪರಿಹಾರಗಳನ್ನು ಒದಗಿಸುವ ಕೆಲಸವನ್ನು ಅವರೊಂದಿಗೆ ಇರುವವರು ಮಾಡಬೇಕಾಗಿದೆ. ಆ ಮೂಲಕ ದುಶ್ಚಟ ಮುಕ್ತ ನಾಡು ಸ್ಥಾಪನೆಯಾಗಬೇಕಿದೆ.

ಸಾಂದರ್ಭಿಕ ಚಿತ್ರ

ಮದ್ಯಪಾನದಿಂದ ಜನರನ್ನು ಮುಕ್ತಗೊಳಿಸಲು ಸರಕಾರವೇ ಮದ್ಯಪಾನ ಸಂಯಮ ಮಂಡಳಿಯನ್ನು ಅಸ್ತಿತ್ವಕ್ಕೆ ತಂದಿದೆ. ಈ ಸಂಸ್ಥೆ ಇಲ್ಲಿಯವರೆಗೆ ಯಾವ ಘನಕಾರ್ಯ ಮಾಡಿದೆಯೆಂಬುದಂತೂ ನಮಗಾರಿಗೂ ತಿಳಿದಿಲ್ಲ. ಕರೋನಾದಿಂದ ಉಂಟಾಗಿರುವ ಈ ದಿಗ್ಬಂಧನದ ಸಂದರ್ಭವನ್ನು ಬಳಸಿಕೊಂಡು ಮದ್ಯಪಾನ ಸಂಯಮ ಮಂಡಳಿಯು ಇತರೆ ಧಾರ್ಮಿಕ, ಸಾಮಾಜಿಕ ಸಂಘಟನೆಗಳೊಂದಿಗೆ ಕೈಜೋಡಿಸಿ ಮದ್ಯಪಾನಿಗಳಲ್ಲಿ ಸಂಯಮ ಮೂಡಿಸಿ ಅವರನ್ನು ಚಟಮುಕ್ತರನ್ನಾಗಿ ಮಾಡಿ ತನ್ನ ಅಸ್ತಿತ್ವವನ್ನು ಸಾಬೀತು ಪಡಿಸಿಕೊಳ್ಳಬೇಕಿದೆ. ಮನೋ ವೈಜ್ಞಾನಿಕ ನೆಲೆಯಲ್ಲಿ ಇಂತಹ ಕಾರ್ಯ ಮಾಡುವುದು ಬಿಟ್ಟು ಸರ್ಕಾರ ಮತ್ತೆ ಮದ್ಯಮಾರಾಟಕ್ಕೆ ಅವಕಾಶ ಕಲ್ಪಿಸಿರುವುದು ದುರದೃಷ್ಟಕರ. ಇದಕ್ಕೆ ಕೊಡುವ ಕಾರಣ, ನಮ್ಮ ರಾಜ್ಯವೊಂದಕ್ಕೇ ವಾರ್ಷಿಕ ಸುಮಾರು ೨೨ಸಾವಿರ ಕೋಟಿ ಆದಾಯ ನಷ್ಟವಾಗುತ್ತದೆ ಎಂದು. ಇದು ಪ್ರತ್ಯಕ್ಷ ಆದಾಯವಾದರೆ, ಮದ್ಯಪಾನದಿಂದ ಉಂಟಾಗುವ ಸಾಮಾಜಿಕ, ನೈತಿಕ, ಕೌಟುಂಬಿಕ ಹಾಗು ಆರೋಗ್ಯದ ಸಮಸ್ಯೆಗಳಿಂದ ಪರೋಕ್ಷವಾಗಿ ಈ ಆದಾಯದ ಎರಡು ಮೂರು ಪಟ್ಟು ನಷ್ಟ ಉಂಟಾಗುತ್ತದೆ ಎಂಬುದನ್ನು ಗಮನಿಸಬೇಕು.

೨೦೨೦ ಈ ವರ್ಷ ಭಾರತದಲ್ಲಿ ಜಗತ್ತಿನ ಯಾವುದೇ ದೇಶದಲ್ಲಿರಲಾರದಷ್ಟು ಯುವಕರಿದ್ದಾರೆ. ಇಂದು ದೃಷ್ಯ ಮಾದ್ಯಮಗಳಲ್ಲಿ ಮದ್ಯಕ್ಕಾಗಿ ಸಾಲುಗಟ್ಟಿರುವ ಯುವಕರ ಸಂಖ್ಯೆ ನೋಡಿ ಆತಂಕವಾಯಿತು. ನಾವೆಲ್ಲ ಸೇರಿ ಯುವ ಜನರನ್ನು ಸಬಲರಾಗಿಸುವುದನ್ನು ಬಿಟ್ಟು ದುರ್ಬಲರನ್ನಾಗಿಸುತಿದ್ದೇವೆಯೇ?

ಆಲ್ಕೋಹಾಲ್ ಮೂಲಕ ಆದಾಯ ಹೊಂದಲು ಜನರಿಗೆ ಅದನ್ನು ಕುಡಿಸು ನೀಚ ಕಾರ್ಯಕ್ಕೆ ಇಳಿಯದೇ, ಅದರ ಇತರೆ ಉಪಯೋಗಗಳೆಡೆಗೂ ಗಮನಹರಿಸಬೇಕಾಗಿದೆ. ಅಮೆರಿಕಾ ಪ್ರತೀ ವರ್ಷ ೮೩೮ ಬ್ಯಾರಲ್ನಷ್ಟು ಆಲ್ಕೋಹಾಲನ್ನು ಇಂಧನವಾಗಿ ಬಳಸುತ್ತಿದೆ. ಭಾರತ ಕೇವಲ ೫.೩೦ ಬ್ಯಾರಲ್ ಅಷ್ಟೇ ಬಳಸುತ್ತಿರುವುದು. ಸಾರಿಗೆ, ಕೈಗಾರಿಕಾ ರಂಗಗಳಲ್ಲಿ ಇಂಧನವಾಗಿ ಆಲ್ಕೋಹಾಲನ್ನು ಬಳಸಿಕೊಳ್ಳುವ ಇತರೆ ಮಾರ್ಗಗಳನ್ನು ಕಂಡುಕೊಳ್ಳಬೇಕಾಗಿದೆ. ಅದಕ್ಕೂ ಮೊದಲು ಕೇಂದ್ರ ಹಾಗು ರಾಜ್ಯ ಸರಕಾರಗಳು ತಕ್ಷಣದಿಂದ ಮದ್ಯ ನಿಷೇದವನ್ನು ಜಾರಿಗೊಳಿಸಬೇಕೆಂದು ಈ ಮೂಲಕ ಆಗ್ರಹಿಸುತ್ತೇವೆ.

ಡಾ. ಶ್ರೀ ಬಸವ ಮರುಳಸಿದ್ಧ ಸ್ವಾಮೀಜಿ
ಬಸವಕೇಂದ್ರ, ಶಿವಮೊಗ್ಗ.

About Shivanand

Admin : Lingayat Kranti Monthly news paper 8884000008 [email protected]

Check Also

ಲಿಂಗಾಯತ ದಿಟ್ಟ ಶರಣೆ: ಪ್ರೇಮಕ್ಕಾ ಅಂಗಡಿ

  ಬೈಲಹೊಂಗಲ: ಪ್ರೇಮಕ್ಕ ಅಂಗಡಿ ನಮ್ಮ ಸಮಾಜದ ದಿಟ್ಟ ಹೆಣ್ಣುಮಗಳು ಇಂದು ಇಡೀ ರಾಜ್ಯದಲ್ಲಿ ಲಿಂಗಾಯತ ಸಮಾಜದ ಮಹಿಳೆಯರು ಸಂಘಟಿತ …

ಮಠಾಧೀಶರಿಗೆ ರಾಜಕಾರಣದ ಉಸಾಬರಿ ಏಕೆ?

  ಬೆಂಗಳೂರು: ರಾಜ್ಯದಲ್ಲಿನ ಸ್ವಾಮೀಜಿಗಳ ಪೈಕಿ ಕೆಲವರು ರಾಜಕೀಯ ನಾಯಕರಂತೆ ವರ್ತಿಸುತ್ತಿರುವುದು ಅವರು ಪ್ರತಿನಿಧಿಸುವ ಸ್ಥಾನಗಳಿಗೆ ಶೋಭೆ ತರುವಂತಹದ್ದಲ್ಲ. ಸಮಾಜಕ್ಕೆ …

ವೀರಶೈವ ಲಿಂಗಾಯತ ಅಭಿವೃದ್ಧಿ ನಿಗಮ ಯಾರಿಗೆ? ಹಾಗೂ ಮಹಾ ಮಾದರಿ ಶೇ.16ರ ವಿಶೇಷ ಮೀಸಲಾತಿ ಬೇಡವೇ….?

    ಬಸವಣ್ಣ ಬರುವಾಗ | ಬಿಸಿಲು ಬೆಳದಿಂಗಳು || ಮೊಗ್ಗು ಮಲ್ಲಿಗೆ | ಅರಳ್ಯಾವ || ಯಾಲಕ್ಕಿ ಗೊನೆಬಾಗಿ …

ಕರ್ನಾಟಕದ ಮ್ಯಾಕ್ಸ್ ಮುಲ್ಲರ್ ‘ವಚನ ಪಿತಾಮಹ’ ಡಾ. ಫ.ಗು.ಹಳಕಟ್ಟಿ

  ರಾಮದುರ್ಗ: ೧೯೫೬ರಲ್ಲಿ ಕರ್ನಾಟಕ ವಿಶ್ವವಿದ್ಯಾನಿಲಯದ ಪ್ರತಿಷ್ಠಿತ ಗೌರವ ಡಾಕ್ಟರೇಟ್ ಪದವಿ ಪ್ರದಾನ ಸಮಾರಂಭ. ಡಾ.ಪಾವಟೆಯವರು ಕುಲಪತಿಗಳಾಗಿದ್ದರು. ಕರ್ನಾಟಕ ವಿಶ್ವವಿದ್ಯಾನಿಲಯದ …

ರಾಣಿ ಚನ್ನವೀರಮ್ಮ

  ಲಿಂಗಾಯತ ಕ್ರಾಂತಿ: ಚನ್ನಮ್ಮ ಮತ್ತು ವೀರಮ್ಮ ಇವರಿಬ್ಬರು ಕಿತ್ತೂರ ದೇಸಾಯಿಣಿಗಳು. ಇವರಿಬ್ಬರ ಹೆಸರು ಒಂದಾಗಿರುವ ಚನ್ನವೀರಮ್ಮಾಜಿ ಎನ್ನುವ ಕೆಳದಿಯ …

ಜನಪದವೇ ಲಿಂಗಾಯತ ಧರ್ಮ ಉಳಿವಿಗೆ ಆಧಾರ

  ಬೀದರ್: 12ನೆ ಶತಮಾನದಲ್ಲಿ ನಡೆದ ಕಲ್ಯಾಣ ಕ್ರಾಂತಿ ನಂತರ ಲಿಂಗಾಯತ ಧರ್ಮದ ಶರಣರು ಚೆಲ್ಲಾಪಿಲ್ಲಿ ಆದರು, ಹಲವಾರು ಶರಣರು …

ಸಂವಿಧಾನ ಮತ್ತು ಕಾನೂನುಗಳ ಸಮರ್ಪಕ ಬಳಕೆಯೇ ಈ ದೇಶದ ಎಲ್ಲ ಸಮಸ್ಯೆಗಳಿಗೆ ಪರಿಹಾರ

  ~ ಡಾ. ಜೆ ಎಸ್ ಪಾಟೀಲ. ವಿಜಯಪುರ: ಭಾರತವು ಧಾರ್ಮಿಕ ಮೂಢನಂಬಿಕೆಗಳ ತವರು ಮನೆ. ಇಲ್ಲಿ ಧಾರ್ಮಿಕ ನಂಬಿಕೆಗಳ …

ಗ್ರಾಮ ಸ್ವರಾಜ್ಯ ಸಾಕಾರಗೊಳಿಸಿದ: ರಾಮಪ್ಪ ಬಿದರಿ

ವಿಜಯಪುರ: 1952-1962 ಹತ್ತು ವರ್ಷಗಳ ಕಾಲ ಲೋಕಸಭಾ ಸದಸ್ಯರಾಗಿದ್ದ ರಾಮಪ್ಪ ಬಿದ್ರಿ ಈ ಹುದ್ದೆಯನ್ನು ಎಂದೂ ತಮ್ಮ ಸ್ವಂತದ ಲಾಭಕ್ಕಾಗಿ …

ಲಿಂಗಾಯತ ಧರ್ಮದ ಹೋರಾಟ ಸರಣಿ-2 ಭಾಗ-4

  ಲಿಂಗಾಯತ ಧರ್ಮ ಮಾನ್ಯತೆಯ ಹೊರಾಟದಲ್ಲಿ ಲಿಂಗಾಯತ ಸಮನ್ವಯದ ಸಮಿತಿ ಪಾತ್ರ. ಬಸವಕಲ್ಯಾಣ: ಬೆಂಗಳೂರಿನ ಕುಂಬಳಗೋಡಿನ ಬಸವ ಗಂಗೋತ್ರಿಯಲ್ಲಿ ಜೂನ್ …

ಲಿಂಗಾಯತ ಧರ್ಮದ ಹೋರಾಟ ಸರಣಿ-2

  ಜಾತಿ ಲಿಂಗಾಯತರು ಮತ್ತು ಬೇಡ ಜಂಗಮ ಪಂಚಾಚಾರ್ಯರು ಸತ್ಯವೆಂದು ನಂಬಿ ಲಿಂಗಾಯತ ಧರ್ಮದ ಮಾನ್ಯತೆ ತಪ್ಪಿಸುತ್ತಿದ್ದಾರೆ. ಬಸವಕಲ್ಯಾಣ: 12ನೇ …

ನ. 22 ರಂದು ಡಾ. ಹೆಚ್.ಆರ್.ಗಿರಿಯಾಲ ಅವರಿಗೆ ನುಡಿನಮನ

ಚನ್ನಮ್ಮನ ಕಿತ್ತೂರು: ಸಮೀಪದ ಬೈಲೂರು ಗ್ರಾಮದ ಖ್ಯಾತ ವೈದ್ಯ ಡಾ ಹಣಮಂತ ಆರ್ ಗಿರಿಯಾಲ ಅವರು ಕಳೆದ ಸೆಪ್ಟೆಂಬರ್ 30 …

ಲಿಂಗಾಯತ ಧರ್ಮದ ಹೋರಾಟ ಸರಣಿ-2

  ಲಿಂಗಾಯತ ಧರ್ಮದ ಮಠಾಧೀಶರ ನಿಯೋಗ ಮುಖ್ಯಮಂತ್ರಿಗೆ ಭೇಟಿ ಮಾಡಬಾರದೇಕೆ? ಲಿಂಗಾಯತ ಧರ್ಮದ ಹೋರಾಟದಲ್ಲಿ ಮುಂಚೂಣಿ ಸ್ಥಾನ ವಹಿಸಿ ಅತ್ಯಂತ …

ಸಾಮಾಜಿಕ ಪ್ರಾತಿನಿಧ್ಯತೆ : ಬಿ.ಜೆ ಪಾಟೀಲ

  ವಿಜಯಪುರ : ಸಮಸಮಾಜ ಕಟ್ಟಲು, ಸಂವಿಧಾನದಲ್ಲಿ ಮೂಲಭೂತ ಹಕ್ಕಗಳ ಬಗ್ಗೆ ಮಾತನಾಡುವಾಗ ಮೂರೂ ಬಿಂದುಗಳು ( Article 15, …

ಲಿಂಗಾಯತ–ವೀರಶೈವರಿಗೆ ಶೇ 16 ಮೀಸಲಾತಿ ನೀಡಿ: ಶಿವಮೂರ್ತಿ ಮುರುಘಾ ಶರಣರು

  ಚಿತ್ರದುರ್ಗ: ಜಾತಿ, ಉಪಜಾತಿಗೆ ಒಂದೊಂದು ವಿಧವಾದ ಮೀಸಲಾತಿ ನೀಡುವ ಬದಲು ಲಿಂಗಾಯತ–ವೀರಶೈವ ಸಮುದಾಯಕ್ಕೆ ಶೇ 16ರಷ್ಟು ಮೀಸಲಾತಿಯ ನಿಗದಿಪಡಿಸುವುದು …

ವೀರಶೈವ ಲಿಂಗಾಯತ ಅಭಿವೃದ್ಧಿ ನಿಗಮಕ್ಕೆ ಡಾ. ತೋಂಟದ ಸಿದ್ಧರಾಮ ಶ್ರೀಗಳ ಆಕ್ಷೇಪ

  ಗದಗ: ಸರ್ಕಾರ ತರಾತುರಿಯಲ್ಲಿ ಲಿಂಗಾಯತ ವೀರಶೈವ ಅಭಿವೃದ್ಧಿ ನಿಗಮ ಘೋಷಿಸಿದ್ದು, ಇದಕ್ಕೆ ಯಾವುದೇ ಗೊತ್ತು ಗುರಿಯಾಗಲಿ, ಸ್ಪಷ್ಟತೆಯಾಗಲಿ ಇಲ್ಲ …

Leave a Reply

Your email address will not be published. Required fields are marked *

error: Content is protected !!