Breaking News
Home / featured / ಕುಡಿಯಲು ಹಣ ಕೊಡದ ಪತ್ನಿಯನ್ನೇ ಕೊಂದ ಕುಡುಕ

ಕುಡಿಯಲು ಹಣ ಕೊಡದ ಪತ್ನಿಯನ್ನೇ ಕೊಂದ ಕುಡುಕ

ಬಾಗಲಕೋಟೆ: ಸರ್ಕಾರ ಲಾಕ್​ಡೌನ್ ಮಧ್ಯೆ ಎಣ್ಣೆ ಅಂಗಡಿಗಳನ್ನೇನೋ ತೆರೆಯಲು ಅವಕಾಶ ಮಾಡಿಕೊಟ್ಟಿದೆ. ಆದರೆ ಮೇ 4ರಂದು ಮದ್ಯದಂಗಡಿಗಳು ತೆರೆದ ಬಳಿಕ ಕುಡುಕರೆಲ್ಲ ಫುಲ್​ ಅಲರ್ಟ್​ ಆಗಿದ್ದಾರೆ. ಅವರಷ್ಟಕ್ಕೇ ಅವರು ಕಂಠಪೂರ್ತಿ ಕುಡಿದು, ತೂರಾಡಿಕೊಂಡಿದ್ದರೆ ಹೋಗಲಿ ಬಿಡಿ ಎನ್ನಬಹುದು. ಆದರೆ ಕುಡಿಯಲು ಹಣ ಬೇಕು ಎಂಬ ಕಾರಣಕ್ಕೆ ಕೊಲೆ, ಸುಲಿಗೆಯಂಥ ದುಷ್ಕೃತ್ಯಕ್ಕೆ ಕೆಲವರು ತೊಡಗಿದ್ದು ಆತಂಕ ಮೂಡಿಸಿದೆ.
ಈಗ ಇಲ್ಲೊಬ್ಬ ವ್ಯಕ್ತಿ ಇದೇ ಎಣ್ಣೆ ಕಾರಣಕ್ಕೆ ಪತ್ನಿಯನ್ನೇ ಬರ್ಬರವಾಗಿ ಹತ್ಯೆ ಮಾಡಿದ್ದಾನೆ. ಜಿಲ್ಲೆಯ ಇಳಕಲ್​ ನಗರದ ಜೋಷಿ ಗಲ್ಲಿ ಎಂಬಲ್ಲಿ ಘಟನೆ ನಡೆದಿದೆ. ಶಾರದಾ ಚವ್ಹಾಣ (32) ಕೊಲೆಯಾದ ಮಹಿಳೆ.

ಚಂದಪ್ಪ ಚವ್ಹಾಣ್​ ಎಂಬಾತ ಪತ್ನಿಯ ಬಳಿ ತೆರಳಿ ಕುಡಿಯಲು ಹಣ ಕೊಡು ಎಂದು ಕೇಳಿದ. ಅದಕ್ಕೆ ಶಾರದಾ ಒಪ್ಪಲಿಲ್ಲ. ಇದೇ ಸಿಟ್ಟಿಗೆ ಆಕೆ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಹಿಂದೆಯಿಂದ ಬೈಕ್​ನಲ್ಲಿ ಗುದ್ದಿ ಪರಾರಿಯಾಗಿದ್ದ. ರಕ್ತದ ಮಡುವಿನಲ್ಲಿ ಬಿದ್ದಿದ್ದ ಶಾರದಾರನ್ನು ಸ್ಥಳೀಯರು ಆಸ್ಪತ್ರೆಗೆ ಸೇರಿಸಿದ್ದರೂ ಚಿಕಿತ್ಸೆ ಫಲಿಸದೆ ಮೃತಪಟ್ಟಿದ್ದಾರೆ.

ಕಳೆದ ಒಂದೂವರೆ ತಿಂಗಳಿಂದಲೂ ಈತ ಕುಡಿಯಲು ಮದ್ಯ ಸಿಗದೆ ಪರದಾಡುತ್ತಿದ್ದ. ಮೊದಲಿನಿಂದಲೂ ಪತ್ನಿ ಜತೆ ಜಗಳವಾಡುತ್ತಿದ್ದ. ಶಾರದಾ ಬೇರೆಯವರ ಮನೆಯ ಕೆಲಸ ಮಾಡಿ ಹಣ ಕೂಡಿಟ್ಟಿದ್ದರು. ನಿನ್ನೆ ಮದ್ಯದ ಅಂಗಡಿ ತೆರೆಯುತ್ತಿದ್ದಂತೆ ಪತ್ನಿಯ ಬಳಿ ಹೋಗಿ ಹಣವನ್ನು ಕೊಡು ಎಂದು ಪೀಡಿಸಿದ್ದಾನೆ. ಆದರೆ ಆಕೆ ಒಪ್ಪಿರಲಿಲ್ಲ.

ಚಂದಪ್ಪನಿಗೆ ಇನ್ನೋರ್ವ ಪತ್ನಿಯೂ ಇದ್ದಾಳೆ. ಆತನನ್ನು ಇಳಕಲ್ ನಗರ ಠಾಣೆಯ ಪೊಲೀಸರು ಬಂಧಿಸಿದ್ದಾರೆ

About Shivanand

Admin : Lingayat Kranti Monthly news paper 8884000008 lingayatkranti@gmail.com

Check Also

ಬಡತನದ ಬೇರು ಕತ್ತರಿಸುವ ಕಾರ್ಯ ಮಾಡಿದವರು ಬಸವಾದಿ ಶರಣರು

  ಗಜೇಂದ್ರಗಡ: ಸಮಾಜವನ್ನು ಕಾಡುವ ಬಡತನದ ಬೇರನ್ನು ಕತ್ತರಿಸುವ ಕಾರ್ಯವನ್ನು ಬಸವಾದಿ ಶರಣರು ತಮ್ಮ ನಡೆ ನುಡಿಯ ಮೂಲಕ ಹೇಳಿ …

Leave a Reply

Your email address will not be published. Required fields are marked *

error: Content is protected !!