Breaking News
Home / featured / ಮಾದರ ಚನ್ನಯ್ಯಾ ಸ್ವಾಮಿಗಳು ಬಸವತತ್ವ ಅರೆಯಲಿ

ಮಾದರ ಚನ್ನಯ್ಯಾ ಸ್ವಾಮಿಗಳು ಬಸವತತ್ವ ಅರೆಯಲಿ

ಮಾದಾರ ಚೆನ್ನಯ್ಯ ಪೀಠದ ಬಸವ ಮೂರ್ತಿ ಸ್ವಾಮಿಗಳು ಬುದ್ಧ, ಬಸವ, ಮಾದಾರ ಚನ್ನಯ್ಯ, ಅಂಬೇಡ್ಕರ್ ತತ್ವದ ಮೇಲೆ ಸಾಗಲಿ.

ಬೀದರ : ಕಳೆದ ಮೂರು ದಿನದ ಹಿಂದೆ ಅಯೋಧ್ಯೆಯಲ್ಲಿ ಶ್ರೀ ರಾಮ‌ ಮಂದಿರ ಕಟ್ಟಡದ ಭೂಮಿ ಪೂಜೆಯ ಕಾರ್ಯಕ್ರಮದಲ್ಲಿ ಭಾಗಿಯಾದ ಮಾದಾರ ಚೆನ್ನಯ್ಯ ಪೀಠದ ಬಸವ ಮೂರ್ತಿ ಶ್ರೀ ಮಾದಾರ ಚನ್ನಯ್ಯ ಶ್ರೀಗಳ ನಡೆ ಸಮಸ್ತ ಮಾದಾರ ಸಮಾಜದ ಜನತೆಗೆ ದಿಗ್ಭ್ರಮೆಯನ್ನುಂಟು ಮಾಡಿದೆ.

ವಿಶ್ವಗುರು ಬಸವಣ್ಣನವರ ಮತ್ತು ಶರಣ ಶ್ರೇಷ್ಟ ಮಾದಾರ ಚನ್ನಯ್ಯನವರ ತತ್ವಗಳನ್ನು ಮೈಗೂಡಿಸಿಕೊಂಡು ಚಿತ್ರದುರ್ಗ ಪೀಠದ ಮುರುಘೇಂದ್ರ ಸ್ವಾಮಿಗಳಿಂದ ಕಾವಿ ದೀಕ್ಷೆ ಪಡೆದು, ಬಸವತತ್ವದ ಪ್ರಚಾರಕ್ಕಾಗಿ ಜೀವನ ಮುಡಿಪಾಗಿಟ್ಟ ಪೂಜ್ಯರು ಇತ್ತೀಚೆಗೆ ಸಂಘ ಪರಿವಾರ ಮತ್ತು ಶ್ರೀ ರಾಮ ಭಕ್ತರ ಜೊತೆ ಸೇರಿ ಸೈದ್ಧಾಂತಿಕ ತತ್ವದ ತದ್ವಿರುದ್ಧವಾಗಿ ಸಾಗುತ್ತಿರುವುದು ಮಾದಾರ ಚೆನ್ನಯ್ಯ ಸಮುದಾಯಕ್ಕೆ ಮಾಡುವ ಅವಮಾನವಾಗಿದೆ.

ಮನು ಸಂಸ್ಕೃತಿಯ ಆಧಾರದ ಮೇಲೆ ಶತಶತಮಾನಗಳ ಕಾಲ ಸಮಾನತೆಯನ್ನು ಒಪ್ಪದ, ಹುಟ್ಟಿನಿಂದ ಮೇಲು ಕೀಳೆಂದು ಭೇದ ಸೃಷ್ಟಿಸಿ ತಳ ಸಮುದಾಯಗಳನ್ನು ಜಾತಿಯಾಧಾರದ ಮೇಲೆ ಇಂದಿಗೂ ವಂಚಿಸುತ್ತಿರುವ ಮನುವಾದಿಗಳ ಜೊತೆಗೆ ಸೇರಿ ಬಸವಾದಿ ಪ್ರಮಥರ ಆಶಯಕ್ಕೆ ದಕ್ಕೆ ತರುವುತ್ತಿರುವುದನ್ನು ಖಂಡಿಸುತ್ತೇವೆ.

ಮಾದಾರ ಸಮಾಜದ ಜನ ಏನೂ ಅರಿಯದ ಮುಗ್ದರು. ಬುದ್ದ ಬಸವ ಮಾದಾರ ಚನ್ನಯ್ಯ ಅಂಬೇಡ್ಕರ್ ವಿಚಾರವನ್ನು ಹೊತ್ತು ಸಾಗುವ ಸ್ವಾಭಿಮಾನಿಗಳು. ಆ ಸಮುದಾಯದ ಮಾದಾರ ಚನ್ನಯ್ಯನವರು ಬಸವಪ್ರೀಯರು, ಗುರು ಬಸವಣ್ಣನವರೇ ಮಾದಾರ ಚನ್ನಯ್ಯನನ್ನು ಅಪ್ಪ ಎಂದು ಅಪ್ಪಿಕೊಂಡವರು. ಇಂದು ನಾವು ಬಸವಣ್ಣನವರ ತತ್ವದ ಮೇಲೆ ಸಾಗಬೇಕೇ ಹೊರತು, ಮನುವಾದಿಗಳ ಜೊತೆ ಸೇರಿ ಮಾದಾರ ಸಮುದಾಯದ ಜನಗಳಿಗೆ ದಿಕ್ಕು ತಪ್ಪಿಸುವ ಕಾರ್ಯ ಮಾಡಬಾರದು. ಇದರಿಂದ ಸಮಾಜ ಎಚ್ಚೆತ್ತುಕೊಳ್ಳಬೇಕು.

ಸ್ವಾಮಿಗಳು ರಾಜಾಕಾರಣ ಮಾಡುವುದೇ ಆದರೆ ಮಾದಾರ ಚನ್ನಯ್ಯ ಪೀಠ ತ್ಯಜಿಸಿ ಶ್ರೀ ಸಂಘ ಪರಿವಾರ ಸೇರಿಕೊಳ್ಳಲಿ ಆದರೆ ನಂಬಿದ ತತ್ವಕ್ಕೆ ಧಕ್ಕೆ ತಂದೊಡ್ಡಬಾರದು.

ಈ ದೇಶವೂ ಬಹು ಸಂಸ್ಕೃತಿಯ ನಾಡು ಹಲವಾರು ಮತ, ಪಂಥ, ಧರ್ಮಗಳ ಆಚರಣೆಗಳಿಗೆ ಸಂವಿಧಾನ ಅವಕಾಶ ಮಾಡಿಕೊಟ್ಟಿದೆ. ಅವರವರ ಧರ್ಮಗಳ ಅನುಸಾರ ಸೈದ್ಧಾಂತಿಕ ನಿಲುವನೊಂದಿಗೆ ಸಾಗಲಿ. ಶ್ರೀ ರಾಮನ ಮಂದಿರ ಮಾಡುವ ಬಗ್ಗೆ ನಮ್ಮದೇನು ಆಭ್ಯಂತರವಿಲ್ಲ. ಆದರೆ ಬಸವಧರ್ಮಕ್ಕೂ, ಶ್ರೀ ರಾಮನ ಮನು ಸಂಸ್ಕೃತಿಯ ವೈದಿಕ ಮತಕ್ಕೂ ಸೈದ್ಧಾಂತಿಕ ತತ್ವದ ಭಿನ್ನತೆಯಿದೆ. ಈ ಕಾರಣದಿಂದ ಬಸವ ಧರ್ಮವನ್ನು ಆಚರಣೆ ಮಾಡುವ ಮಾದಾರ ಚನ್ನಯ್ಯ ಪೀಠದ ಪೂಜ್ಯರು ಸೈದ್ಧಾಂತಿಕ ತತ್ವದ ಮೇಲೆ ಸಾಗಬೇಕೆಂಬುದಷ್ಟೆ ನಮ್ಮ ಕಳಕಳಿ.

ಪೂಜ್ಯರು ಬುದ್ದ, ಬಸವ, ಮಾದಾರ ಚನ್ನಯ್ಯ, ಅಂಬೇಡ್ಕರ ಕಟ್ಟಿದ ಭವ್ಯ ಭಾರತದ ಪರಂಪರೆಯಲ್ಲಿ ಸಾಗುವುದಲ್ಲದೆ, ಮಾದಾರ ಸಮಾಜವನ್ನು ಅದೇ ತತ್ವದ ಮೇಲೆ ಮುನ್ನಡೆಸಬೇಕು. ಸಮಾಜ ಈಗ ಎಚ್ಚೆತ್ತುಕೊಂಡಿದೆ ನಿಮ್ಮ ಸೂಕ್ಷ್ಮ ನಡೆಯನ್ನು ಗಮನಿಸುತ್ತಿದೆ ಎಂಬುದು ಪೂಜ್ಯರು ಅರಿತುಕೊಳ್ಳಬೇಕು.

ಪೂಜ್ಯರು ಮಾದಾರ ಚನ್ನಯ್ಯನ ತತ್ವವನ್ನು ಪ್ರಚಾರ ಮಾಡುವಲ್ಲಿ ಗಟ್ಟಿತನ ಪ್ರದರ್ಶಿಸಬೇಕು ಮತ್ತು ಸ್ವಾಭಿಮಾನದ ನಡೆಯನ್ನು ಅನುಸರಿಸಬೇಕು. ಸಂಘ ಪರಿವಾರದ ಗುಲಾಮಗಿರಿತನದ ವ್ಯವಸ್ಥೆಯ ಅಡಿಯಾಳುಗಳಾಗಿ ಹೋಗುವುದು ಬೇಡ ಸಮಾಜ ಸದಾ ನಿಮ್ಮೊಂದಿಗೆ ಇರುತ್ತದೆ.

ಪೂಜ್ಯ ಶ್ರೀ ಸದ್ಗುರು ಬಸವಪ್ರಭು ಸ್ವಾಮೀಜಿ. ಚಿಂತಕರು ಹಾಗೂ ರಾಷ್ಟ್ರೀಯ ಬಸವದಳದ ಕೇಂದ್ರ ಸಮಿತಿಯ ಪ್ರಧಾನ ಕಾರ್ಯದರ್ಶಿಗಳು ಬೆಂಗಳೂರು.





About Shivanand

Admin : Lingayat Kranti Monthly news paper 8884000008 lingayatkranti@gmail.com

Check Also

ಲಿಂಗಾಯತ ಧರ್ಮದ ಹೋರಾಟ ಸರಣಿ-2

  ಜಾತಿ ಲಿಂಗಾಯತರು ಮತ್ತು ಬೇಡ ಜಂಗಮ ಪಂಚಾಚಾರ್ಯರು ಸತ್ಯವೆಂದು ನಂಬಿ ಲಿಂಗಾಯತ ಧರ್ಮದ ಮಾನ್ಯತೆ ತಪ್ಪಿಸುತ್ತಿದ್ದಾರೆ. ಬಸವಕಲ್ಯಾಣ: 12ನೇ …

ನ. 22 ರಂದು ಡಾ. ಹೆಚ್.ಆರ್.ಗಿರಿಯಾಲ ಅವರಿಗೆ ನುಡಿನಮನ

ಚನ್ನಮ್ಮನ ಕಿತ್ತೂರು: ಸಮೀಪದ ಬೈಲೂರು ಗ್ರಾಮದ ಖ್ಯಾತ ವೈದ್ಯ ಡಾ ಹಣಮಂತ ಆರ್ ಗಿರಿಯಾಲ ಅವರು ಕಳೆದ ಸೆಪ್ಟೆಂಬರ್ 30 …

ಲಿಂಗಾಯತ ಧರ್ಮದ ಹೋರಾಟ ಸರಣಿ-2

  ಲಿಂಗಾಯತ ಧರ್ಮದ ಮಠಾಧೀಶರ ನಿಯೋಗ ಮುಖ್ಯಮಂತ್ರಿಗೆ ಭೇಟಿ ಮಾಡಬಾರದೇಕೆ? ಲಿಂಗಾಯತ ಧರ್ಮದ ಹೋರಾಟದಲ್ಲಿ ಮುಂಚೂಣಿ ಸ್ಥಾನ ವಹಿಸಿ ಅತ್ಯಂತ …

ಸಾಮಾಜಿಕ ಪ್ರಾತಿನಿಧ್ಯತೆ : ಬಿ.ಜೆ ಪಾಟೀಲ

  ವಿಜಯಪುರ : ಸಮಸಮಾಜ ಕಟ್ಟಲು, ಸಂವಿಧಾನದಲ್ಲಿ ಮೂಲಭೂತ ಹಕ್ಕಗಳ ಬಗ್ಗೆ ಮಾತನಾಡುವಾಗ ಮೂರೂ ಬಿಂದುಗಳು ( Article 15, …

ಲಿಂಗಾಯತ–ವೀರಶೈವರಿಗೆ ಶೇ 16 ಮೀಸಲಾತಿ ನೀಡಿ: ಶಿವಮೂರ್ತಿ ಮುರುಘಾ ಶರಣರು

  ಚಿತ್ರದುರ್ಗ: ಜಾತಿ, ಉಪಜಾತಿಗೆ ಒಂದೊಂದು ವಿಧವಾದ ಮೀಸಲಾತಿ ನೀಡುವ ಬದಲು ಲಿಂಗಾಯತ–ವೀರಶೈವ ಸಮುದಾಯಕ್ಕೆ ಶೇ 16ರಷ್ಟು ಮೀಸಲಾತಿಯ ನಿಗದಿಪಡಿಸುವುದು …

One comment

  1. ಬಹಳ ಒಳ್ಳೆಯ ರೀತಿಯಿಂದ ಸದ್ಬುದ್ಧಿ ಹೇಳಿರುವ ಪೂಜ್ಯರಿಗೆ ಅನಂತ ಶರಣು ಶರಣಾರ್ಥಿಗಳು

Leave a Reply

Your email address will not be published. Required fields are marked *

error: Content is protected !!