ಲಿಂಗಾಯತ ಕ್ರಾಂತಿ Just another WordPress site
Related Articles
ಬೈಲಹೊಂಗಲ: ಪ್ರೇಮಕ್ಕ ಅಂಗಡಿ ನಮ್ಮ ಸಮಾಜದ ದಿಟ್ಟ ಹೆಣ್ಣುಮಗಳು ಇಂದು ಇಡೀ ರಾಜ್ಯದಲ್ಲಿ ಲಿಂಗಾಯತ ಸಮಾಜದ ಮಹಿಳೆಯರು ಸಂಘಟಿತ ಆಗುವಲ್ಲಿ ಅಕ್ಕನದು ಪ್ರಮುಖ ಪಾತ್ರ.
ನಿರಾಭರಣಿ ಪ್ರೇಮಕ್ಕ ಸದಾ ನೊಸಲಲ್ಲಿ ವಿಭೂತಿ ಧರಿಸಿ ಮುಖದಲ್ಲಿ ಒಂದಿಷ್ಟು ಮುಗುಳ್ನಗೆ ಬೀರುವ ಪ್ರೇಮಕ್ಕನಿಗೆ ಅದುವೇ ನಿಜವಾದ ಆಭರಣ ಅಪ್ಪಟ ಬಸವಾನುಯಾಯಿಯಾದ ಪ್ರೇಮಕ್ಕ ತನ್ನ ಕೌಟುಂಬಿಕ ಜವಾಬ್ದಾರಿ ಜೊತೆಗೆ ಭೋದಕಿಯ ಕಾಯಕ ಜೊತೆ ಜೊತೆಗೆ ಇಡೀ ನಾಡಿನುದ್ದಕ್ಕೂ ಸಂಚರಿಸಿ ಸಮಾಜ ಸಂಘಟಿಸುವ ಹೊಣೆಗಾರಿಕೆ ಅನೇಕ ಒತ್ತಡಗಳಿದ್ದರೂ ಪ್ರತಿನಿತ್ಯ ನೂರಾರು ಕಿಲೋಮೀಟರ್ ಸಂಚರಿಸಿದರೂ ಅದೇ ಮುಗುಳ್ನಗೆ ಅದೇ ಉತ್ಸಾಹ ಎಂದೂ ಬೇಸರಿಕೆ ತೂಕಡಿಕೆ ಆಯಾಸ ವ್ಯಕ್ತಪಡಿಸದ ವ್ಯಕ್ತಿತ್ವ ಸಮಾಜವನ್ನು ಕಟ್ಟಿಕೊಂಡು ತಮಗೇನಾಗಬೇಕು ಎಂದು ತಾತ್ಸಾರ ವ್ಯಕ್ತಪಡಿಸುವ ವ್ಯಕ್ತಿಯೂ ಕೂಡ ಇದು ನನ್ನ ಸಮಾಜ ಇದರಲ್ಲಿ ನಾನೂ ಒಬ್ಬನಾಗಿರಬೇಕು ಎಂದು ಹಂಬಲಿಸುವಷ್ಟರ ಮಟ್ಟಕ್ಕೆ ಆತನನ್ನು ಬದಲಾಯಿಸಬಲ್ಲ ತಾಕತ್ತಿರುವುದು ಲಿಂಗಾಯತ ಸಮಾಜದ ಬೈಲಹೊಂಗಲದ ಪ್ರೇಮಕ್ಕ ಅಂಗಡಿ.
ಮಾತಿಗೆ ನಿಂತರೆಂದರೆ ಸಮಾರಂಭವೇ ನಿಶ್ಶಬ್ದ ಮಹಿಳೆಯರಂತೂ ಪ್ರೇಮಕ್ಕನ ಮಾತಿಗೆ ತಲೆದೂಗುತ್ತಾರೆ ಸೂಜಿಗಲ್ಲನಂತೆ ಸೆಳೆಯಬಲ್ಲ ಮಾತುಗಾರಿಕೆ ಪ್ರೇಮಕ್ಕನದು
ಹೇಳುತ್ತಾ ಹೋದರೆ ಮುಗಿಯಲಾರದ ವ್ಯಕ್ತಿತ್ವ ಪ್ರೇಮಕ್ಕನದು ತನ್ನೆಲ್ಲ ಒತ್ತಡಗಳ ಮಧ್ಯೆಯೂ ಸಮಾಜಕ್ಕಾಗಿ ಸಂಘಟನೆಗಾಗಿ ದುಡಿಯುತ್ತಿರುವ ಪ್ರೇಮಕ್ಕನಿಗಿಂದು ಜನ್ಮದಿನದ ಸಂಭ್ರಮ ಇನ್ನೂ ನೂರಾರು ವರ್ಷಗಳ ಕಾಲ ಸುಖ ಸಂತೋಷದಿಂದ ಬಾಳುವಂತಾಗಲಿ ಅವರ ಮುಖದಲ್ಲಿ ಸದಾ ನಗು ತುಂಬಿರಲಿ ಮತ್ತಷ್ಟು ಮಗದಷ್ಟು ಸಮಾಜಕ್ಕೆ ಅವರಿಂದ ಸೇವೆ ದೊರಕಲಿ ಎಂದು ಬಸವಾದಿ ಶರಣರಲ್ಲಿ ಪ್ರಾರ್ಥಿಸುತ್ತೇನೆ.
ಪೂಜ್ಯ ಶ್ರೀ ಸ್ವತಂತ್ರ ಬಸವಲಿಂಗ ಶಿವಯೋಗಿಗಳು
ಶ್ರೀ ತೋಂಟದಾರ್ಯ ಸಂಸ್ಥಾನಮಠ ಬಸವಾಪಟ್ಟಣ ಅರಕಲಗೂಡು ತಾ ಹಾಸನ ಜಿಲ್ಲೆ
